السلام عليكم و رحمة الله و بركاته .
أهلا و سهلا و مرحبا بكم في مدونتكم مدونة فتى لبادية
موعدنا اليوم, مع مجموعة -من الأمثال المغربية
ومن أروع ما قاله أجدادنا المغاربة القدامى.
من أروع ما قاله أجدادنا المغاربة القدامى.
بحرف الألف .
إلى جا الغلا , اعرف من الظلم و البلا.
إلى جات من الله مرحبا بيها , و جات من عند عبد الحق , الله ياخد فيه الحق .
إلى جاعوا يتحابوا , وإلى شبعو يتسابو .
إلى جرجرني و دماني , ما صاب الوجه باش يلقاني .
إلى حلفوا فيك الرجال , بات ناعس , و إلى حلفوا فيك النسا بات فايق.
إلى حبوك ارتـــــــــاح.
إلى حضر الما, كيترفع التيمم .
إلى حضر الطعام , كيترفع الكلام.
إلى أحسن جارك , رطب راسك .
إلى حماو الكدور , ما يسلف حد مغرفتو.
إلى خفا عليك الأصل , شوف الفعل.
إلى خفات عليك عيشة فالدار , شوف خوها فالحضار.
إلى درتي بحالك بحالو , ما فتيه بوالو.
إلى دواو الاواني , كيقول الحلاب هاني.
إلى ربي عطاك , العبد ما عندو ما يكلع ليك.
إلى ربيتيه , ما تخافش عليه.
إلى رجعتي ,هاني معاك.
إلى سولو علينا . اعرف حاجتهم فينا.
إلى شبعت الكرش , كتقول للراس غني.
من أروع ما قاله أجدادنا المغاربة القدامى.
حرف الباء :
باب فتوح يتسد , و حلوق الناس ما تسد .
باب التوبة, ديما محلول .
باب الصبر, ما عليه زحام .
بات بلا لحم , تصبح بلا دين .
باش عايش بلارج , قبل ما يجي الجراد .
باش ما باع الشفار رابح .
باع التشامير, و شرى الشان .
باع دارو, و كرى عند جارو .
باع القرد, و ضحك على اللي شراه .
بالتاج و محتاج .
بايع الخبزة , احرص من شاريها .
بحال ولاد الدريبة, نفار يجمعهم , و عصية تفرقهم .
بحال حمار جحا , ما يحرك سانية ما يدور رحى , مقابل غير لعلف الراحة .
بحال الخياطة الحمقى , فين المقص فين الحلقة .
بحال خيط الحرير, رطب و جيف .
بحال الطبل , الصوت العالي , و الجوف الخالي .
بحال كدار المعصرة , الظلمة و القهرة .
بحال الكمون , الى ما تحك ما يعطي الريحة .
بحال الي كيخوي الما على القرعة .
بحال اللي كيقرا ياسين على قلوب الكافرين .
بحال اللي كيدق الما فالمهراز .
بحال الإبرة , تكسي الناس و هي عريانة .
بحال الفكرون, لا راس لا رجلين .
بحال مول الفران , وجهو للنار و ظهرو للعار .
بحال ميت , العصر مادى اخبار , ما جاب اخبار .
بحال النحل , ما كيخرج غير بالدخان .
من أروع ما قاله أجدادنا المغاربة القدامى.
باب التـــــاء
تابع جيلالة بالنفيخ.
تابهلالة و سريق العواد.
تاجر حلابو , اللي دا ما جابو و اللي خلى ما صابو.
تاكل منو و شيط الخير.
تاكلها من يد الشبعان الى جاع ما تاكلها من يد الجيعان الى شبع.
تبات نار تصبح رماد كل شي بيد القهار.
تبدال المنازل راحة.
تبر قيقشت و لا جميل العنابة.
تبع الكذاب حتى للباب الدار.
تبع اللي يبكيك ما تبع اللي يضحكك.
تب يتوب الله عليك.
تتباهى بنهود لالاها.
تيشري الحوت فالبحر.
تحرق الوجه و الكفا و عدويا ما زال ما تشفى.
تحزمات القرعة بالفكوس و قالت ليه يالا نقطعو الواد.
تختار حتى تعيى و تهز من اولاد الكلبة جرو.
تدويقة الاحمق اكثر من معطاه.
تدير سليخ المعزي.
الترابي من الجنة.
الترابي سبقات الجامع.
تزوجات السعدية باش تعاوني , خدات قوتي و حوايجي و رماتني.
تزول الجبال ما تزول الطبايع.
التيساع رحمة و الضيق نقمة.
تسباق الايجارة من تبطال العمل.
التسبيح و الدبيح.
تسحابني كرمة و فيك الكرموس , ساع انت غير خربة و فيك الناموس.
تسنى الجوع حتى يطيب الشعير.
تشميرا على الدراع أحسن من التكلان عل الغير.
من أروع ما قاله أجدادنا المغاربة القدامى.
باب الجيم
جا بحبلو للكرنة .
جاب جزارو , لدارو .
جابها بمية و عجل , ما عرفت تصبن ما عرفت تعجن
جابوني رجليا , ما بقى ضيم عليا .
جات من ورانا , و عاودات ما جرى .
الجار قبل الدار, و الرفيق قبل الطريق
جارك قدامك و وراك , إلى ما شاف وجهك يشوف كفاك.
الجار للجار نعمة , ماشي هم و لا نقمة .
جارك القريب, خير من خوك البعيد .
الجار المجاور, فالحيط مصور.
جاري منشاري .
جاري يا مرايا , الى ما شفتي وجهي تشوف كفايا .
جا شفناه . مشى نسيناه .
جا غي البارح , و صبح فالح .
جا فيه البلان .
جاك الزين أمداح النبي .
جاك ملك الموت أتارك الصلاة .
جاور السبع , لا تجاور الضبع .
جاو يشكيوا على فيل زادهم فيلة .
جا يدي العشور, زاد ليهم بالثور .
جا يعاونو فقبر باه , هرب لو بالفاس .
من أروع ما قاله أجدادنا المغاربة القدامى .
باب الحاء
حاجة السويقة , ما فيها تدويقة
حاجة الخاطر , تسوى القناطر
حادة ديري خبزة مقادة
حاسبني حساب عدوك , و كولني ماكلة خوك .
حافظ الستين , و ما عارف الجامع فين .
حاكم جاير و لا قبيلة سايبة .
حالتهم حالة المساكين , و فعايلهم فعايل الشياطين .
حاول على حميرك , تحج عليه .
حبة تلحرام . تجري على عشرة حلال .
حبلك و دلوك , و البير مشروك .
حبيبك و قربيك راسك .
حبيب اللقيمة ما يدوم ديما .
حبيبك اللي حبيبك عند الشدة ما يغيب .
حبيبك ما يكون طماع .
حبيب من واتاك لا من والاك .
حتى بحر ما كره زيادة .
حتى تزوجات عاد حلات .
حتى تهرس راسو عاد وقف على قياسو .
حتى حنش ما خطاه سم .
حتى خروف ما خلق بالصوف .
حتى الدجاجة بغات تركل .
حتى دخان ما كاين بلا عافية .
حتى زين ما خطاتو لولة , حتى بالعمان فيه الكحولة .
حتى شاب عاد دارو لو حجاب .
حتى شبع صالح عاد قال خبزكم مالح .
حتى شجرة ما جلسات بلا ما يهزها الريح .
حتى فات الفوت فيا عاد جا يسول عليا .
حتى كبش ما كيعيوه قرونو .
حتى مش ما كيهرب من دار العرس .
حتى واحد ما كفاه عقلو .
حتى واحد متيقول عسلي حامض .
حتى يخلاق عاد نسميوه .
حتى يدي مول الأمانة أمانتو .
